過年做咩好？

依家到處都提倡

唔好出門去太遠

其實放假宅喺屋企

一樣好多嘢做噶

宅喺屋企嘅時候

追綜藝煲劇係其中

非常重要嘅一項安排

聽聞2月竟然有10部

新上嘅韓劇咁多？？？

《文森佐》

呢出都算係

網友期待嘅top之一

因為有宋仲基！

搭檔全汝彬和玉澤演

之前已經詳細介紹過

會喺2月20號首播

想睇嘅朋友記得！

（點我回顧）

《西西弗斯：神話》

韓劇男神女神參演嘅劇

網友嘅期待總係比較高

例如係樸信惠嘅新戲

男主角係曹承佑

劇情係關於天才工程師

隱藏自己身份生活

直到遇到女主角

令佢開始冒險

導演係《藍色大海的傳說》、

《主君的太陽》嘅陳赫！

《頂樓》第二季

《頂樓》前段時間

真係hit到不得了

每到更新嘅日子

都有一大班網友討論劇情

創下30。5%的高收視率

雖然劇情好抓馬

但係令人忍唔住上頭

第二季話都無咁快

今個月就要播了

上一季結局停喺

雙女主角沉秀蓮和吳允熙死亡

第二季原班人馬迴歸！

感覺依然會繼續抓馬！

除咗必追嘅三出

2月仲有呢d新劇

《時空追捕》

美大李瑞鎮認真起來

演戲都係好型嘅！

搭檔嘅係李珠英、金英哲

劇情簡介係話2020年

同2015年跨時空拯救被殺害嘅人

好似幾精彩！

《怪物》

申河均同呂珍九領銜主演

唔好被名誤導

其實唔係恐怖片

不過係探案嘅警匪片

為咗捉住犯人而要用非常手段？

“究竟誰是怪物？”

劇情簡介睇上去都幾精彩

可以期待下

《LUCA》

科幻片愛好者集合！

今次係金來沅同李多熙主演

男主有特殊能力卻喪失記憶

女主係唯一記得佢樣貌嘅人

而且係重案組女刑警

感覺劇情會好吸引！

《月升之江》

呢齣戲陣容都ok

有金所泫、李知勳、姜河那

係改編自高句麗古典小說

《平岡公主與溫達將軍》

睇開韓綜嘅人

應該對呢個故事唔陌生

《愛情場景編號》

呢出係現代愛情片

分別講述咗23歲、

29歲、35歲和42歲等

唔同年齡嘅女仔

面對愛情嘅煩惱故事

唔知同我哋之前嘅

《二十》《三十》系列比會點？

《你好？是我！》

劇名都幾吸引

係一出常規嘅

愛情治癒電視劇

而且係講姐弟戀

唔想睇太刺激劇情嘅朋友

應該會幾like

《戀愛播放列表》

係網路劇第四季嘅延伸劇

NCT在玹、樸慧秀、裴賢聖

和盧正義領銜主演

甜甜嘅校園青春羅曼史

同樣都係可以放鬆睇嘅劇集

唔中意燒腦嘅朋友

可以關注下！

有呢d劇集陪住

今年過年唔使擔心會悶啦！

你最近仲有follow邊齣戲？

留言同大家share下啦！

資料來源：劇照、海報

網際網路綜合整理

*文中圖片如涉及侵權請聯絡，立即刪除